2016 جىلعى 29 ناۋرىز, استانا قالاسى
باعالى مەتالداردى ءوندىرۋ سۋبەكتىلەرىنىڭ تىزبەسىن قالىپتاستىرۋ
قاعيدالارىن بەكىتۋ تۋرالى
«باعالى مەتالدار مەن اسىل تاستار تۋرالى» 2016 جىلعى 14 قاڭتارداعى قازاقستان رەسپۋبليكاسىنىڭ زاڭى 4-بابىنىڭ 10) تارماقشاسىنا سايكەس بۇيىرامىن:
1. قوسا بەرىلىپ وتىرعان باعالى مەتالداردى ءوندىرۋ سۋبەكتىلەرىنىڭ تىزبەسىن قالىپتاستىرۋ قاعيدالارى بەكىتىلسىن.
2. قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ يندۋستريالىق دامۋ جانە ونەركاسىپتىك قاۋىپسىزدىك كوميتەتى (ا.ق. ەرجانوۆ):
1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن;
2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن ونىڭ كوشىرمەلەرىن باسپا جانە ەلەكتروندىق تۇردە كۇنتىزبەلىك ون كۇن ىشىندە مەرزىمدى باسپا باسىلىمدارىنا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا, سونداي-اق تىركەلگەن بۇيرىقتى العان كۇننەن باستاپ بەس جۇمىس كۇنى ىشىندە قازاقستان رەسپۋبليكاسى نورماتيۆتىك قۇقىقتىق اكتىلەرىنىڭ ەتالوندىق باقىلاۋ بانكىنە ەنگىزۋ ءۇشىن رەسپۋبليكالىق قۇقىقتىق اقپارات ورتالىعىنا جىبەرۋدى;
3) وسى بۇيرىقتى قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ ينتەرنەت-رەسۋرسىندا جانە مەملەكەتتىك ورگانداردىڭ ينترانەت-پورتالىندا ورنالاستىرۋدى;
4) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن ون جۇمىس كۇنى ىشىندە وسى بۇيرىقتىڭ 2-تارماعىنىڭ 1), 2) جانە 3) تارماقشالارىندا كوزدەلگەن ءىس-شارالاردىڭ ورىندالۋى تۋرالى مالىمەتتەردى قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ زاڭ دەپارتامەنتىنە ۇسىنۋدى قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسىنىڭ ينۆەستيتسيالار جانە دامۋ ۆيتسە-مينيسترىنە جۇكتەلسىن.
4. وسى بۇيرىق ونىڭ العاش رەسمي جاريالانعان كۇنىنەن كەيىن قولدانىسقا ەنگىزىلەدى.
قازاقستان رەسپۋبليكاسىنىڭ ينۆەستيتسيالار جانە دامۋ ءمينيسترى ءا. يسەكەشەۆ
قازاقستان رەسپۋبليكاسى ينۆەستيتسيالار جانە دامۋ ءمينيسترىنىڭ
2016 جىلعى 29 ناۋرىزداعى № 293 بۇيرىعىمەن بەكىتىلگەن
باعالى مەتالداردى ءوندىرۋ سۋبەكتىلەرىنىڭ تىزبەسىن قالىپتاستىرۋ قاعيدالارى
1. جالپى ەرەجەلەر
1. وسى باعالى مەتالداردى ءوندىرۋ سۋبەكتىلەرىنىڭ تىزبەسىن قالىپتاستىرۋ قاعيدالارى (بۇدان ءارى - قاعيدالار) «باعالى مەتالدار مەن اسىل تاستار تۋرالى» 2016 جىلعى 14 قاڭتارداعى قازاقستان رەسپۋبليكاسىنىڭ زاڭى (بۇدان ءارى - زاڭ) 4-بابىنىڭ 10) تارماقشاسىنا سايكەس ازىرلەنگەن جانە باعالى مەتالداردى ءوندىرۋ سۋبەكتىلەرىنىڭ تىزبەسىن (بۇدان ءارى - تىزبە) قالىپتاستىرۋ ءتارتىبىن ايقىندايدى.
2. وسى قاعيدالاردا مىناداي نەگىزگى ۇعىمدار پايدالانىلادى:
1) اففيناجداۋ – باعالى مەتالداردى قوسپالاردان جانە ىلەسپە قۇراۋىشتاردان تازالاۋ, باعالى مەتالداردى ۇلتتىق نەمەسە حالىقارالىق ستاندارتقا سايكەس كەلەتىن ساپاعا دەيىن جەتكىزۋ پروتسەسى;
2) باعالى مەتالدار – كەز كەلگەن كۇيدەگى جانە تۇردەگى التىن, كۇمىس, پلاتينا جانە پلاتينا توبىنداعى مەتالدار (پاللادي, يريدي, رودي, رۋتەني جانە وسمي);
3) باعالى مەتالداردى ءوندىرۋ سۋبەكتىلەرى – قازاقستان رەسپۋبليكاسىنىڭ اۋماعىندا باعالى مەتالداردى ءوندىرۋدى جۇزەگە اسىراتىن قازاقستان رەسپۋبليكاسىنىڭ زاڭدى تۇلعالارى;
4) قۇرامىندا باعالى مەتالدار بار شيكىزات تاۋارلارى – وڭدەلمەگەن باعالى مەتالدار (ونىڭ ىشىندە, قۇيما تۇرىندەگى دورە قورىتپاسى, كاتودتى مەتالل), مىرىش شوگىندىلەرى, باعالى مەتالداردىڭ سىنىقتارى مەن قالدىقتارى, باعالى مەتالداردىڭ كەندەرى مەن كونتسەنتراتتارى, قۇرامىندا باعالى مەتالدار بار ءتۇستى مەتالداردىڭ كەندەرى, كونتسەنتراتتارى جانە ك ۇلى, ءتۇستى مەتالدار ءوندىرىسىنىڭ جارتىلاي ونىمدەرى;
5) ۋاكىلەتتى ورگان – باعالى مەتالداردى ءوندىرۋدى جانە باعالى مەتالدار مەن اسىل تاستاردىڭ, قۇرامىندا باعالى مەتالدار بار شيكىزات تاۋارلارىنىڭ, زەرگەرلىك جانە باسقا دا بۇيىمداردىڭ اينالىمىن رەتتەۋ سالاسىنداعى باسشىلىقتى, سونداي-اق قازاقستان رەسپۋبليكاسىنىڭ زاڭناماسىندا كوزدەلگەن شەكتەردە سالاارالىق ۇيلەستىرۋدى جۇزەگە اسىراتىن ورتالىق اتقارۋشى ورگان.
2. باعالى مەتالداردى ءوندىرۋ سۋبەكتىلەرىنىڭ تىزبەسىن قالىپتاستىرۋ ءتارتىبى
3. تىزبەگە باعالى مەتالداردى جانە قۇرامىندا باعالى مەتالدار بار شيكىزات تاۋارلارىن قايتا وڭدەۋدى جانە (نەمەسە) اففيناجداۋدى جۇزەگە اسىراتىن جانە وسى قاعيدالارعا 1-قوسىمشاعا سايكەس نىسان بويىنشا باعالى مەتالداردى ءوندىرۋ سۋبەكتىلەرىنىڭ تىزبەسىنە دەرەكتەردى ەنگىزۋ تۋرالى حابارلامانى (بۇدان ءارى - حابارلاما) بەرگەن باعالى مەتالداردى ءوندىرۋ سۋبەكتىلەرى جاتادى.
4. باعالى مەتالداردى ءوندىرۋ سۋبەكتىلەرىنىڭ تىزبەسى وسى قاعيدالارعا 2-قوسىمشاعا سايكەس نىسان بويىنشا قالىپتاستىرىلادى جانە ۋاكىلەتتى ورگانمەن بەكىتىلەدى. تىزبەگە دەرەكتەردى ەنگىزۋدى حابارلاما نەگىزىندە ۋاكىلەتتى ورگان جۇزەگە اسىرادى.
5. ۋاكىلەتتى ورگان حابارلاما تۇسكەن كۇننەن باستاپ 5 جۇمىس كۇنى ىشىندە مىناداي:
1) باعالى مەتالداردى ءوندىرۋ سۋبەكتىسىن تىزبەگە ەنگىزۋ تۋرالى;
2) باعالى مەتالداردى ءوندىرۋ سۋبەكتىسىن تىزبەگە ەنگىزۋدەن باس تارتۋ تۋرالى شەشىمدەردىڭ بىرەۋىن شىعارا وتىرىپ, ونى قاراستىرادى.
6. باعالى مەتالداردى ءوندىرۋ سۋبەكتىسىن تىزبەگە ەنگىزۋدەن باس تارتۋعا باعالى مەتالداردى ءوندىرۋ سۋبەكتىسى ۇسىنعان حابارلامانىڭ وسى قاعيدالارعا 1-قوسىمشاعا سايكەس نىسانعا سايكەس كەلمەۋى نەگىز بولىپ تابىلادى.
7. تىزبەگە ەنگىزۋ تۋرالى شەشىم ۋاكىلەتتى ورگاننىڭ بۇيرىعى نىسانىندا قابىلدانادى, ول ۋاكىلەتتى ورگاننىڭ ينتەرنەت-رەسۋرسىندا ورنالاستىرىلۋعا جاتادى.
8. تىزبەگە ەنگىزىلگەن دەرەكتەر وزگەرگەن جاعدايدا, باعالى مەتالداردى ءوندىرۋ سۋبەكتىسى ۋاكىلەتتى ورگانعا ەرىكتى نىساندا حابارلايدى, ونىڭ نەگىزىندە ۋاكىلەتتى ورگان حابارلامانى العان ساتتەن باستاپ 5 جۇمىس كۇنى ىشىندە تىزبەگە ءتيىستى وزگەرىستەردى ەنگىزەدى.
9. باعالى مەتالداردى ءوندىرۋ سۋبەكتىسى باعالى مەتالداردى جانە قۇرامىندا باعالى مەتالدار بار شيكىزات تاۋارلارىن قايتا وڭدەۋ جانە (نەمەسە) اففيناجداۋ بويىنشا قىزمەتىن توقتاتقان جاعدايدا, ۋاكىلەتتى ورگان وسى باعالى مەتالداردى ءوندىرۋ سۋبەكتىسىن, ونىڭ ەرىكتى نىساندا ۇسىنىلعان حابارلاماسى نەگىزىندە, وسى حابارلامانى العان ساتتەن باستاپ 5 جۇمىس كۇنى ىشىندە تىزبەدەن شىعارادى.
باعالى مەتالداردى ءوندىرۋ سۋبەكتىلەرىنىڭ تىزبەسىن قالىپتاستىرۋ قاعيدالارىنا 1-قوسىمشا
نىسان
_____________________
(مەملەكەتتىك ورگاننىڭ
_____________________
تولىق اتاۋى)
باعالى مەتالداردى ءوندىرۋ سۋبەكتىلەرىنىڭ تىزبەسىنە دەرەكتەردى ەنگىزۋ تۋرالى حابارلاما
1. وسىمەن______________________________________________________________________
(زاڭدى تۇلعانىڭ تولىق اتاۋى, بيزنەس-سايكەستەندىرۋ ءنومىرى)
____________________نەگىزىندە ارەكەت ەتەتىن _____________________________تۇلعاسىندا
_______________________________________________________________________________
(قۇرامىندا باعالى مەتالى بار شيكىزات تاۋارىنىڭ ءتۇرىن كورسەتە
_______________________________________________________________________________
وتىرىپ, تەحنولوگيالىق وپەراتسيالار تۇرلەرىنىڭ اتاۋىن كورسەتىلەدى )
بويىنشا قىزمەتتى جۇزەگە اسىراتىندىعى تۋرالى حابارلايدى.
2. زاڭدى تۇلعانىڭ ورنالاسقان ورنى
________________________________________________________________________________
(پوشتالىق يندەكسى, وبلىس, قالا, اۋدان, ەلدى-مەكەنى, كوشە اتاۋى, ۇي/عيمارات/ قۇرىلىس ءنومىرى)
3. ەلەكتروندىق پوشتاسى ___________________________________________________________
4. تەلەفونى
___________________________________________________________
5. فاكس
_____________________________________________________________
وسى حابارلامانى بەرە وتىرىپ ءوتىنىش بەرۋشى مىنالاردى راستايدى:
بارلىق كورسەتىلگەن دەرەكتەر دۇرىس بولىپ تابىلادى جانە ولارعا قىزمەتتى جۇزەگە اسىرۋ ماسەلەلەر بويىنشا كەز كەلگەن اقپاراتتى جىبەرۋگە بولادى;
زاڭدى تۇلعاعا مالىمدەلگەن قىزمەت تۇرىمەن اينالىسۋعا سوتپەن تىيىم سالىنبايدى;
زاڭدى تۇلعا قىزمەتىن جۇزەگە اسىرۋ ءۇشىن مىندەتتى بولىپ تابىلاتىن قازاقستان رەسپۋبليكاسى زاڭناماسىنىڭ تالاپتارىن ساقتاۋدى قامتاماسىز ەتەدى.
7. ءوتىنىش بەرۋشى ________ _____________________________________
(قولى) (تەگى, اتى, اكەسىنىڭ اتى - بار بولعان جاعدايدا)
بەرىلگەن كۇنى:
20 __ جىلعى «____» ___________
ءمور ورنى (بار بولعان جاعدايدا)
باعالى مەتالداردى ءوندىرۋ سۋبەكتىلەرىنىڭ تىزبەسىن قالىپتاستىرۋ قاعيدالارىنا 2-قوسىمشا
نىسان
باعالى مەتالداردى ءوندىرۋ سۋبەكتىلەرىنىڭ تىزبەسى
№ باعالى مەتالداردى ءوندىرۋ سۋبەكتىلەرىنىڭ اتاۋى بسن ورنالاسۋ ورنى بايلانىس تەلەفونى ەلەكتروندىق پوشتاسى, فاكس تەحنولوگيالىق وپەراتسيالار-دىڭ تۇرلەرى قۇرامىندا باعالى مەتالدارى بار شيكىزات تاۋارلارىنىڭ تۇرلەرى
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2016 جىلعى 29 ساۋىردە نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №13649 بولىپ ەنگىزىلدى.